何雁詩與蔣志光昨日為《千色Citistore開業25周年慶祝酒會》任表演嘉賓，談到好友陳凱琳（Grace）與鄭嘉穎的戀情，有傳Grace父母嫌嘉穎年紀大而棒打鴛鴦，何雁詩不清楚兩人是否拍拖，但大讚他們合襯：「一向覺得嘉穎係男神，Grace又係女神，兩個好夾，有報道話佢哋有年紀差距，其實Grace好成熟，好多嘢可以應付到。」對於好友劉佩玥被指暗撻黃又南，她笑說：「我哋咁Friend，佢都未試過帶男仔畀我哋見，我覺得佢哋幾襯，頭髮都差唔多長！」對於被指曾遭「食女王」周志文力追，何雁詩強調二人屬好友，更自嘲「光棍」力證單身。她坦言半年前與拍拖多年的男友分手，投入感情的她大呼受傷。而正忙拍新劇《公公出宮》的阿蔣自爆抽空為自己寫歌，問有否計劃再與韋綺姍合唱？他笑說：「冇，但要合唱佢一定係好嘅人選。」

蔣志光與何雁詩一同出席活動。