趙碩之（Wylie）昨日出席網絡劇活動時將逼爆身材包到實，但樣子明顯與之前不同，驟眼睇竟然似足美女張栢芝及張曼玉的「混合體」，有「變面」之嫌！同場的鄧麗欣則笑指男友方力申是童心未泯的大隻佬，更指他好易滿足！

與兩年前相比，趙碩之昨日宣傳網絡劇時外貌明顯有變化！

張曼玉？

Stephy因為眼腫，要戴黑超現身。

趙碩之（兩年前）

趙碩之、鄧麗欣（Stephy）、陳小春及台灣男星柯有倫等昨日出席網絡劇活動，故事內容圍繞一群精神病人。雖然Wylie「封胸」以密實護士裝上陣，但樣子明顯與之前不同，有「變面」之嫌！除了雙眼明顯比之前戚外，她的眉和鼻亦與過往大不同，驟眼看竟然與美女張栢芝及張曼玉有幾分相似！

似大美女高攀唔起

Wylie昨日接受本報電話訪問時笑說被指似栢芝和曼玉好開心：「劇中我做護士，化好淡妝，而且我交晒畀化妝師，估唔到大家覺得我淡妝同濃妝差咁遠！我日日喺屋企唔化妝，好慣個樣，可能大家睇唔慣啦！（被指變樣得啖笑？）我係好開心先真，心目中栢芝同曼玉都係大美女！由細到大我對眼都比較圓，有畀人話過似張曼玉，但我覺得高攀唔起！」

Stephy笑小方細路仔

Stephy表示因為攰，而且拍攝片場大塵及污糟令雙眼腫了，要戴黑超亮相。劇中她能看穿人的內心世界，又透露小方會客串：「小方會做外表大隻但性格好小朋友嘅病人，戲入面畀粒糖就氹到佢！（平時佢易氹？）真實都係咁，外表大舊但其實好似小朋友！佢係好易滿足同好易開心嘅人！不過當然唔係只畀粒糖啦！」她指二人會有少少對手戲，但不是演情侶，她會用能力幫助小方，合作亦不會尷尬。另外，有份客串的陳小春昨日為慰勞劇組而豪氣請食鮑魚，他在劇中飾演一名怕女人的病人，他自言演出感人，但只說與家庭事有關，大賣關子！