藝人林芊妤（Coffee）、張建聲、王宗堯、蔡瀚億及黃光亮等昨日到西九龍中心宣傳新片《壹獄壹世界》，眾人先到停車場扑小巴谷戲，以瑜伽裝束示人的Coffee，與黃光亮爬上車頂，合力用大錘扑車，Coffee俯身時不經意露出4吋事業線，十分搶鏡！她返回商場時又紮紮跳，「Big」波蕩漾！Coffee其後否認性感搶鏡：「吓？好性感咩？我平時教瑜伽都係咁着啦！（崔碧珈同郭奕芯唔夠你搶鏡？）佢哋唔夠膽扑，咪我嚟囉！我男仔頭又運動型，不過我未爆過玻璃，都有少少驚，但我鍾意刺激嘅！」

郭奕芯（左起）及崔碧珈不及「Big」波蕩漾的Coffee搶鏡。

Coffee與黃光亮齊齊爬上車頂，合力用大錘扑車。

盼新片破紀錄

而張建聲則笑說：「咁樣爆車，似玩緊《街頭霸王》，之前優先場反應好，冇乜人插，我哋忠於原著，唔係亂拍，應該係網民想見到嘅！」至於王宗堯說：「扑爛印咗《一路向西》廣告嘅小巴，寓意希望我哋新片破紀錄，上映前會吸納更多意見，做到最好！」