歌手黃山怡（糖妹）昨日聯同馬德鐘出席活動，糖妹自爆前晚到寓所附近的公眾泳池游泳，素顏及戴眼鏡的她笑言不怕被認出：「因為我仲將額前嘅劉海梳起，同埋一入到更衣室就全程戴潛水鏡，換好衫即刻落水，所以都冇畀人發現。」但她亦有段搞笑經歷：「我細佬明明喺我出門前話會到朋友屋企玩，但我游游吓水，竟然聽到一把好似細佬嘅聲同個女仔一齊游水，後尾望真啲原來唔係細佬，幾驚以為撞破佢約女仔去游水呀！」

好動的糖妹不時運動，難怪愛笑的她充滿正能量！

至於愛做運動的馬德鐘則指現時沒有六舊腹肌，因為很難練，要節制飲食及做大量運動，卻踢爆游泳健將的兒子有「肌」：「佢日日游水，所以有好大運動量。」