天后容祖兒近日夥拍型男古天樂為信用卡拍攝廣告，大感新鮮的祖兒跟古仔相識多年，但在鏡頭前算是第一次合作。兩人默契十足，在廣告中有很多互動，並穿上情侶衫耍拳作狀較量，祖兒說：「今次合作得好愉快，有場戲我係咁NG，因為啲對白好長又『甩咳』，古仔嗰句就簡單啲，但因為我NG連累佢係咁拍，都唔好意思，佢演戲經驗豐富，每次再拍佢都有小小變化，等拍得冇咁悶！」祖兒自知演戲「不耍家」，故把握機會向古仔學習。

不斷NG的祖兒仍Keep住甜美笑容拍攝，相當專業。

古仔與祖兒交情非淺，相信不會怪祖兒累他「遲收工」吧！

另外，祖兒在社交網上載素顏上妝照，原來她因趕時間而在機場餐廳內一個充滿光線的角落，以「摩打手」化個靚淡妝。