前港姐陳凱琳(Grace)昨日與草蜢出席活動,最近有指Grace父母不滿嘉穎年紀大,故母親要拆散他們,甚至嬲得連母親節都沒有留港便飛返加拿大,對此她解釋媽咪兩個多月前已返加拿大,而父母亦未見過嘉穎:「我哋一直拍緊戲,等套戲拍完我就會返加拿大探佢哋。(帶埋嘉穎?)一個人去。」問到爸爸可有介意嘉穎年紀大?她表示父母很明白她:「知我做每個決定都會諗過,佢哋都話畀多啲空間我去了解同認識。(父母有冇話想見吓面?)唔使咁心急,順其自然啦!」她亦指有在父母面前讚嘉穎是個好前輩,故父母對他都有好印象。而昨日嘉穎現身電視城拍劇,對於與Grace的戀情,他希望大家給予空間:「想低調啲。(Grace喺媽咪面前讚你?)多謝佢咁欣賞我!」

Grace在父母面前對嘉穎讚不絕口,十分維護男友。