鍾舒漫(Sherman)日前與圈中教徒好友梁雨恩及妹妹鍾舒祺等到沙巴舉行佈道音樂會,她們不忘在當地穿上泳裝享受陽光與海灘。Sherman昨日返港出席活動,提到背着朱慧敏偷食的彭懷安(Eddie)被指是「翻版吳浩康」,已與吳浩康分手的她說:「咁都攞嚟講,一單還一單,難得一齊就要珍惜關係,問題係要解決,唔係話分唔分手,每個人都有自己故事,我冇資格去評論。」而曾與朱慧敏發生「車震事件」的梁榮忠則表示未有留意「舊愛」的新聞:「其他人唔方便回應,留畀佢處理,已經冇關係,都過去,唔應該指指點點。」至於與朱慧敏合演《愛.回家》的湯洛雯說:「知道佢好煩,暫時冇搵佢,覺得佢可以搵自己最舒服嘅方法處理。」

梁雨恩(左起)、Sherman及鍾舒祺齊齊着比堅尼曬太陽,好Relax呀!

Sherman與洪卓立孖住出席活動,全程雞啄唔斷。