女星陳嘉桓（Rose）、台灣型男彭于晏及前Sun Boy'z成員麥子豪（Dennis）等昨日出席活動，以低胸小背心現身的Rose大騷豐滿身材。提到與彭于晏同場，她坦言對陽光型男生特別留意：「佢係男神之一，陽光型同皮膚好男仔好吸引。（見面會傾偈？）我想，佢開始拍多武打電影，希望將來可以合作。（抄牌？）唔會，頂多影張Selfie（自拍），唔敢。（如果佢抄呢？）好少發生抄牌場面。」而她在活動後亦成功集郵，更上載到社交網並留言Tag「男神」。

身穿低胸背心的Rose烏低身踩單車，盡騷美好身段！

彭于晏甫到場即向粉絲Say Hi，引得全場尖叫。

而彭于晏表示日前在港宣傳電影《破風》，問到是否愛上踩單車？他說：「依家鍾意，以前覺得只係代步，原本導演話拍部愛情電影，咁輕鬆我一口應承，點知原來要係咁踩單車爬坡。」現場記者指同場的Rose大讚他是男神，彭于晏即大喊數聲「Rose」試圖尋找對方，十分搞笑。