被無綫點名力捧的新一代宅男女神劉佩玥（Moon），雖然緋聞對象不及同期出身的陳凱琳及蔡思貝，但最矚目的莫過於早前她與何猷亨傳緋聞，Moon強調：「交心不拜金！」每當提起教她用心待人及百分百支持她的媽咪時，她忍不住喊說：「媽咪理解我嘅動機，做咩都好支持！」

新一代宅男女神劉佩玥，強調並非拜金女！

笑容甜美的劉佩玥，結識朋友只講求交心。

陳凱琳（左起）、劉佩玥、何雁詩及陳瀅因拍攝《四個女仔三個BAR》結成好友。

何猷亨因送消夜而與劉佩玥傳緋聞，惟女方表示二人僅是朋友。

2013年港姐蔡思貝（左起）、陳凱琳及劉佩玥情同姊妹，乜都可以傾一餐。

劉佩玥學媽咪參選港姐，誓要努力為母親圓夢。

港姐出身的劉佩玥今年初於無綫劇《四個女仔三個BAR》嶄露頭角，戴着港姐季軍的光環，加上處女劇反應良好，令Moon順理成章被封為新一代宅男女神，早前無綫「點兵」，Moon亦是幸運兒之一，由平凡女生變成眾人焦點，雖然壓力外人難以明白，但Moon卻從未驚過：「我覺得人生係要面對壓力先好玩，雖然機會唔到我控制，但我會裝備好自己，因為依家接觸演戲比較多，所以我會睇好多戲，無論口碑好壞都會睇。另外，我有叫朋友教我打功夫，因為我想練吓自己反應，你知依家武打片好煞食，我手長腳長，唔知可唔可以打，我相信生得高都可以有功架！」

同屆港姐乜都講

與Moon同屆的港姐冠軍陳凱琳（Grace）和亞軍蔡思貝（Sisley）亦是無綫點名力捧的對象，外界難免會將三人比較，Moon以生果來比喻競爭：「我哋三個形象性格都唔一樣，各自都畀到人唔同嘅感覺，即係好似水果咁，蘋果同橙唔可以攞嚟比較，只係各有愛好者。」並指她們會互相分享關於各人的評論，拿出來講笑，無損情誼。

揀男友要傾得埋

而觀乎緋聞對象數目，Moon無疑是三人中最少，她慶幸無緋聞一身輕，唯一一次被影到何猷亨夜赴片場探班，兼帶消夜讓伊人醫肚，Moon曾澄清大家僅屬普通朋友，談到會否擔心被人以為她是拜金女？她認真地說：「我唔係一個拜金嘅女仔！我覺得唔需要標籤同佢哋交朋友就係專登去識有錢朋友，有冇錢同做朋友係冇關係，揀男朋友同交朋友一樣，最緊要係大家傾得埋，開心舒服就OK。」

無論交友或是擇偶，Moon只講求一個字－「心」，她表示是效法家人的做人方式：「佢哋教識我做人要由心出發，其實我屋企有好多肉麻嘢，例如我爹哋媽咪結咗婚咁耐，依家仍然會喺梳化翹住手睇電視，佢哋又會食完飯落街散步拍拖，我問佢哋點解結婚咁耐仲可以咁恩愛，佢哋話：『因為我哋係交個心畀大家』。」早前Moon與好姊妹陳瀅專程到澳門探何雁詩班，Moon說：「唔係真係Friend嘅，係唔使做咁多小動作！」以行動證明《四》劇的感情並非演戲，而是交心。

參選港姐學媽咪

除秉承媽咪的做人心法外，Moon亦步上媽咪參選港姐之路，她坦言媽咪甚少提及選美往事：「我覺得我係第二個林小姐，林小姐依家就變咗劉太，其實佢好少同我提以前選港姐嘅嘢，可能係唔想我對呢行有太多Fantasy（幻想）。」並指媽咪曾想讀大學及做空姐，惟種種原因令其夢想落空：「我覺得我做緊媽咪以前做唔到嘅嘢。」

提到媽咪，Moon不禁感動落淚，她感激媽咪對其信任及甘願在背後默默付出：「佢唔識煲湯又會學煲湯畀我飲，有時外景要拍到好夜，只要同佢講，佢都會好放心，我同佢都會好坦誠，佢只要理解我背後嘅動機，無論我做咩都好支持，佢知道我做緊我好想做嘅嘢，佢就會100%支持我！」

Moon現時儲錢由媽咪保管，其短期目標是請家人到澳洲旅行，她說：「我覺得畀錢屋企冇乜大不了，最重要係畀佢哋知道我做緊咩，同埋盡量多啲返屋企見佢哋、陪佢哋！」

後記：男女通殺

《四》劇入面的Moon是知性成熟的見習律師，現實的她與記者僅見面兩次，已表現出友善及熱情，提起家人又會即時變得眼淺，相信是這分由心發出的氣質，令她不止成為宅男女神，女生亦被她溶化。