炒股報捷 傅嘉莉再買樓

藝人傅嘉莉昨日出席I.T旗下品牌Venilla Suite鞋履活動，曬得一身健康膚色的她，透露近日開始習騎，故時常接觸陽光。她透露近日股市暢旺，故投資有斬獲，但仍未沽貨，亦未知賺幾多：「上個月幾好，今個月反覆啲。（有冇試過損手？）幾年前試過，嗰次蝕咗幾十巴仙，仲要係買藍籌。」而除了投資股票，本已是業主的她亦計劃再買樓：「買嚟畀屋企人，因為磗頭保值，畀自己安心。（會唔會識個男友有安全感啲呀？）安心嘅感覺係自己畀自己，睇緣分。（有冇人追緊你？）Keep住有正常社交。」又自爆家中收藏逾百雙鞋。