前晚與朱慧敏為無綫劇《愛．回家》拍外景的黎諾懿，坦言有留意新聞，更大讚她表現未受影響：「感情事交番畀佢處理，佢狀態幾好。（心情未受影響？）佢表現仲好咗好多，唔覺佢受影響。（安慰佢？）無論咩事、係真定假，佢有需要會幫手。」二人前晚拍攝《愛》劇中一場電車內續前緣戲份，黎諾懿說：「 今日收到消息話可能有機會添食，所以大家咁用心拍，等觀眾以為我哋有機會開始。」

穿四吋高踭鞋的欣宜，即席表演站立一字馬。

黎諾懿指朱慧敏拍戲的表現比平日「好咗好多」。

而與當事人相熟的鄭欣宜，昨日出席活動時認為Eddie肯承認都好，有指女方要押後婚期，欣宜亦表贊同：「有呢啲事發生，結婚未必係Right Timing，我成日都同朋友講，如果唔係咁就唔好夾硬！（對Eddie扣分？）我要同佢傾吓偈，關心吓先！」

至於無綫高層樂易玲稱朱慧敏已向她報備未婚夫偷食一事：「佢現正放假，等佢休息吓，（幫佢開記招？）有需要公司會協助。」

《愛》劇監製徐遇安亦稱知道朱慧敏事件，但感情事交給當事人處理，希望她能表現演員的專業，問對方能否留低？他說：「要睇觀眾反應！」