前無綫新聞小花黃紫盈日前拜師學藝，親手DIY整小盆栽，首次落手落腳的Connie坦言冇難度，創立屬於自己的「紫」色盆栽，她坦言享受過程，因可以讓自己輕鬆減壓。

Connie揀紫色花自製盆栽，完成後畀個叻自己。

DIY冇難度
Step 1
首先揀出心儀的花朵，作為擺放在玻璃瓶內的材料，然後再將珊瑚石放在玻璃瓶中，讓植物固定，Connie說：「記得唔好放咁多，少少哋咁鋪平放喺入面就OK！」

Step 2
然後將揀好的花朵，用手輕輕整鬆泥土，與小草一同擺放在玻璃之中。假若覺得花瓣或小草過大的話，可以用鉸剪自行修剪。

Step 3
為避免花朵搖擺不定，Connie向大家建議放多些泥土入玻璃瓶：「其實擺泥土同小草都冇問題，最緊要係等佢唔好郁嚟郁去。」

Step 4
為了令盆栽擺放得更加漂亮，Connie指可以自製墊，只要用平時整蛋糕的蛋糕墊就可以：「首先要一個硬卡紙，然後用蛋糕墊上面嘅洞，好似填顏色咁，整一個好靚嘅形狀出嚟，又唔使自己畫，整出嚟效果又好睇。」

Step 5
最後將整好的盆栽放在硬卡紙上面，就大功告成！Connie表示盆栽保存期可以放兩個月都沒有問題：「因為佢體積比較細，所以放喺枱面都冇問題，不過記得要幫佢淋水！」

喜愛花草的Connie見到植物就愛不釋手。

Connie（左）不時向導師請教花的知識。

都市人生活緊張，要搵方法減壓並唔容易，如果怕去旅行抽不到時間，不如跟前無綫新聞小花黃紫盈（Connie）學習整小型盆栽，既可以DIY動動腦筋，又可以發揮小創意，可謂一舉兩得！已轉型做主持及藝人的Connie，日前拜師學藝，學習十分流行的小盆栽。首先她揀出紫色的花朵，然後將珊瑚石平放在玻璃瓶中，再加入泥土，接着將花放入玻璃瓶中，見她有板有眼，手勢熟練，她說：「其實我自己都好鍾意花花草草，今次呢個真係好簡易，最啱就係大家放係Office做擺設。」

色如其名夠配襯

若覺盆栽太過單調，可以再加上小草入內，讓整個盆栽的彩色感更加突出，首次整盆栽的Connie，坦言過程十分開心，因可以讓自己輕鬆減壓，她說：「今次揀紫色就當然係襯番我喇！（難唔難整？）可能我小學嗰陣都有少少藝術天分，啱啱都有老師教我，其實就唔係好難！」她又溫馨提示大家，此盆栽與平時的花草不同，可以擺放多日，她說：「自己好鍾意天然嘅花花草草，擺設入面有多綠色植物，仲有花，平日大家擺花，可能擺一陣佢就會謝，咁呢個就唔會，每日大家幫佢淋吓水其實就冇問題，可以擺幾個星期，就算係個幾兩個月都冇問題！」

愛甜品鍾意Hea

問到如何減壓時，外形瘦削的她，竟然表示是大飲大食：「食嘢其實就係我最可以令我輕鬆減壓，我自己都幾鍾意食甜品，因為食完令人會開心好多！（唔驚肥？）唔驚呀！我一做嘢就會瘦番，完全唔需要擔心呢個問題。其實仲有秘密想同大家講，唔好睇得我平時咁正經，我私底下份人就比較Hea，所以今次整呢個都幾符合我風格！」

後記：好學有主見

有些少藝術天分的Connie，在整盆栽時候都不時加入自己的意見，而前身是新聞記者的她，十分好學，不時問導師花的品種及注意事項，Connie說：「之前我做記者，都成日去做專題性嘅報道，所以其實覺得呢啲都幾有興趣！」