外表弱質纖纖的黃心穎原來嗜好相當男性化，閒時愛「砌機」兼玩網絡遊戲，昨日她出席活動時更自爆收過不雅私訊。

心穎表示當思捷朋友，未知思捷會否失望呢？

李思捷

心穎BB昨日現身旺角，出席電腦軟件宣傳活動，原來她對電腦非常熟悉：「我喺屋企算係最叻嗰個，好細個已經日日用電腦，仲要整埋打機嘅網頁，不過依家好少玩Game，工作為上嘛。」她更打趣自稱是家中的科技專員：「試過砌機添，自己買Parts返屋企整，真係講都冇人信！」

冇試過網戀

問到沉迷電腦的程度，心穎BB自爆高峰期試過每天花7至10小時於網絡世界上，但亦懂得分寸，讀書時讀書，遊戲時遊戲，毋須父母操心。問到有否試過在網上談戀愛，她說：「通常都係同朋友傾吓偈啫，依家我網上啲嘢更加Private咗，要真係朋友先會Add到。（收過不雅私訊？）不雅到唔想講出嚟！（對方係男定女？）唔知，但我估係男啩。」

當思捷朋友

談到緋聞男友李思捷，心穎BB一再否認戀情，只視對方為朋友。問到思捷有否行「外母政策」於早前母親節送禮物給黃母？她說：「冇，我自己就有送。（叫家姐介紹男仔畀你識？）我哋有好多共同朋友，依家唔恨拍拖，工作為先。」