吳若希昨日出席BB展活動，有傳緋聞男友周志文因她告狀而不獲無綫續約，她否認傳聞外更爆對方不回覆其電話及短訊，昔日情誼或會告終，她亦無奈地說：「如果佢誤會，我都冇辦法。」

吳若希表示曾致電周志文，但未獲回覆。

有傳周志文被吳若希篤背脊而不獲無綫續約。

Jinny（左起）、Yu、薛家燕、可嵐和何雁詩出席BB展活動。

麥美恩和坤哥擺搞笑甫士。

吳若希（Jinny）昨日與趙頌茹（Yu）等在BB展參與薛家燕主持的電台戶外訪問，Jinny表示是首次行BB展，問到是否想做母親？她說：「想呀！但想生仔先，仔黐媽咪，同埋老公到時唔可以一返屋企就睇小朋友先，我會呷醋。」

鬧溫家偉亂講嘢

她大呻因太多緋聞令真命天子卻步。有傳其緋聞男友周志文，因被她篤背脊而不獲無綫續約，她說：「如果我得閒都煮飯畀媽咪啦！我唔做損人不利己嘅嘢。」她坦言有致電及傳短訊給對方，惜未有回覆，問到會否怕他誤會？她說：「如果咁都冇辦法。」至於溫家偉曾在訪問指周志文與她互有好感，她笑說：「我有鬧佢做咩亂講，佢話未瞓醒，大家知道佢鬼仔o黎。」同時她亦透露母親出院回家後康復進度良好，記憶力亦比前好轉。

Yu唔想提周永恒

同場的阿Yu透露兼顧母親及藝人的生活讓她感到愉快，談到分居丈夫周永恒，就早前因她暗示沒主動關心女兒而在Facebook炮轟，她強調不明白對方想表達甚麼，現以小朋友福祉為大前提，不欲再回應有關周永恒的事情。而薛家燕受訪時則透露想抱孫，可惜子女仍未拍拖，她再次否認大女石祐珊與王梓軒的戀情。