最新一期《好報》揭露三位宅男女神高海寧、周秀娜及陳靜（DaDa），同樣有身材有靚樣，可惜卻Dry爆冇拖拍，日前高海寧悶到搵閨中蜜友張嘉兒、宋熙年接力訴苦、周秀娜則全女班打書釘，DaDa以遊港鐵河打發時間。對於悶爆生活，高海寧直認不諱：「Dry！冇拖拍嘛！平時都係搵啲女仔朋友行街多。（唔怕阻住人拍拖咩？）唔會，我幫佢哋嘅男朋友照顧佢哋囉。（心唔心急搵男友？）唔急！不過啲朋友都話會幫我留意，介紹啲好男仔畀我認識。」

Dry爆的高海寧（中）找閨蜜張嘉兒（右）和宋熙年行街訴苦。

DaDa與關楚耀拍戲熱到大汗淋漓，要用手提電風扇降溫。

至於DaDa昨日則與關楚耀在酷熱天氣下穿乾濕褸於銅鑼灣拍戲，鏡頭前卿卿我我，鏡頭後熱到大汗淋漓。下午四時許，關楚耀率先現身拍攝於街頭講電話場面，吸引大批巿民圍觀。其後加入的DaDa穿上鮮黃色乾濕褸包到冚，埋位不久已熱到面紅，頻頻抹汗兼補妝，有工作人員送上手提電風扇給她與關楚耀降溫。