歌手黃家強昨日為無綫節目《娛樂3兄弟》擔任嘉賓，帶了三個珍藏版的黃家駒Figure上節目，砌Figure時小心翼翼兼手忙腳亂：「我平時唔捨得攞出嚟，驚佢會變舊，所以唔係好識砌。」他透露被陸浩明、衞志豪及區永權的問題考起：「問我性能力、行動能力、手腳活動能力，要揀失去一樣會點揀。」陸浩明取笑說：「係喎！你仲要生仔。」家強說：「仲有條問題係問有冇Fans投懷送抱，對於我呢啲結咗婚嘅人唔敢有呢啲感覺。（以前有冇Fans送上門？）自己唔會接受，如果同Fans拍拖會好大壓力，驚佢鍾意嘅只係佢哋對偶像嘅幻想，驚會幻想破滅，所以一直都係保持距離好啲。」

黃家強

下月將出新唱片的家強笑說：「新碟簡直係大贈送，有9首歌、10首純音樂，仲有好多朋友幫手拍試驗性質嘅MV。（回唔回到本？）自己做音樂嘅心態唔係諗賺錢，依家嘅市場出唱片係搵唔到錢，都係靠其他表演幫補，幾開心呀，又餓我唔死，又夠我養妻活兒。」