女星陳瀅、男星王宗堯及組合24味等昨晚出席時裝活動，陳瀅自爆食物中毒：「我之前一晚食咗生蠔同蟹，跟住唔舒服，嘔咗成晚。（要Call白車？）唔使！嘔完我即刻飲番啲有糖嘅薑茶同水，依家都唔敢食嘢，驚一食就嘔，又有發燒。（睇咗醫生未？）冇睇！之前喺溫哥華住，嚟咗香港幾年，都冇睇過醫生，我諗住瞓幾晚就冇事。」

陳瀅與王宗堯四手互握，笑到見牙唔見眼。

對於有傳緋聞男友周志文因形象花弗而不獲無綫續約？她說：「佢冇追過我，唔知點解會被捲入裏面，我唔係同佢太熟。（佢係咪好花弗？）唔清楚，唔算溝通好多。（如果佢追你受唔受？）應該唔會，佢近來都好多事困擾，佢處理吓自己啲事先啦，同埋我都唔太鍾意咁多新聞嘅人。」實行劃清界線。