昨日網上瘋傳蔡卓妍（阿Sa）與男友陳偉霆（William）分手，身在廣州的蔡卓妍爸爸（Sa爸）接受長途電話訪問時，對女兒感情事封嘴：「我唔知呀！女大女世界，佢又忙，我又忙，同個女都唔係成日見，我更加唔會問個女感情事！」

Sa爸未有了解寶貝女的感情變化。

雖然拒答女兒分手傳聞，但若然二人真是分手，Sa爸會很傷心，皆因他對William留有好印象：「William係好仔、有上進心、尊重長輩，我同佢最後一次見係半年前喺中山一個活動，佢撲埋嚟我度同我影自拍！」他又指當日並非刻意見William，只是去撐朋友場，撞正William擔任活動表演嘉賓，可是他倆沒有接通微信，故未有留下相片。問到可有視William為女婿？Sa爸說：「咁又冇喎！」