藝人胡杏兒及張敬軒齊齊出席慈善活動，蜜運中的杏兒坦言與男友傾過生育問題，最理想生三胞胎，又承諾結婚一定會公開，要光明正大做李太。

杏兒及軒仔在活動上有講有笑，十分老友。

小朋友在大合照時突然大喊，令軒仔措手不及，相反杏兒卻溫柔安慰，果然男女大不同！

胡杏兒昨日與張敬軒、樂隊Mr.、Supper Moment及KillerSoap出席麥當勞叔叔之家慈善基金活動，杏兒自言助養了十多名小朋友，又表示男友Philip Lee同樣喜歡小朋友，被問到可有與男友談過生B的問題，她說：「咁都唔係因為小朋友先拍拖嘅，不過都會講吓呢啲嘢，最好生三胞胎，一次過搞掂晒！」

軒仔出言護藍潔瑛

問到現階段是否只欠求婚？杏兒否認，更指若結婚會公開與眾同樂：「咁有乜嘢大家都會知，況且係開心事，一定會公開，唔會偷偷摸摸結婚。」

而大合照時，軒仔身邊的小朋友大哭要找媽媽，令軒仔一臉尷尬。最近《大時代》翻Hit，軒仔坦言看了藍潔瑛的電視訪問，希望演藝界或親人可以幫到她。問到可認識對方？他說：「好多年前喺大坑見過佢，唔識佢o架！（想唔想同佢合作？）好矛盾，觀眾身份就想佢拍戲，但以同行身份就唔想以公眾壓力同目光影響到佢。」又覺得藍潔瑛息影多時，不應再受到輿論批評，現她已經變回普通市民，應過健康及開心的生活。