李克勤、邵音音和馮寶寶前晚為李思捷主持的節目《今晚睇李》擔任嘉賓，馮寶寶說：「今晚着靚啲，我唔知李思捷會問我乜，但我嚟梗係宣傳吓我套新戲《媽咪俠》啦！」據悉，馮寶寶兒子招啟宗乃新片《媽咪俠》副導演，問到「母子檔」合作有否發生衝突，寶寶笑說：「我同咗高志森講，我嘅戲份由佢負責，啟宗就拍其他演員啦！」

李思捷（左起）、馮寶寶、邵音音及單立文，前晚錄影《今晚睇李》。

至於克勤則透露與容祖兒將開演唱會：「已經有人同我訂演唱會飛！」他又笑言與祖兒（Joey）也是「順得人」：「今次唱校長（譚詠麟）作畀我嘅新歌，下次就同Joey一齊宣傳演唱會，好多嘢都傾得好順利，唯一係未傾掂出演唱會CD、DVD，因為唔同公司版權，希望演唱會飛開賣後反應好，令件事易啲傾成。」