香港連日來暴雨不斷，前日更一度發出黃色暴雨警告，連帶無綫雙線劇集《華麗轉身》及《武則天》收視上升，可謂古今女王齊領風騷！《華》劇前晚平均收視26.4點，最高收視為30.3點，有約200萬觀眾收看，最高一刻是王梓軒飾演的精神失常歌手與汪明荃的母子情對手戲。至於由內地女星范冰冰孭飛的《武則天》前晚平均收視為27點，最高28點，有約183萬觀眾收看，無綫將於今日舉行祝捷會。

《華》劇前晚最高收視突破三十點，近二百萬觀眾爭睇汪明荃與王梓軒的母子傳情。

對於《華》劇收視理想，汪阿姐坦言感高興，又指該場最高收視的母子情一幕確實感動，讚梓軒演出不俗：「佢係新人，角色都幾難演，見佢好努力做好多工夫，同佢講眼嘅感覺要做得好好，唔係要表面工夫。（收視勁過冰冰喎！）大家戲種唔同，各有支持者，我哋就深情演出，如果要睇華麗嘢就要睇《武》劇，聽日會去撐慶功。」《武》劇將於本周日落區派禮物谷收視。

另外，歌手吳若希早前為《武》劇片尾曲《眼淚的秘密》拍攝MV，當日不但要清晨前到山頭取景，更要忍受被蚊針其屁股的敏感位置，害她不能隨便搔癢！