將在明年完婚的準人妻楊愛瑾昨日表示，希望帶愛犬參加婚禮，因而遲遲未決定完婚地點，又指日本和歐洲似乎較容易讓狗狗「闖關」！

穿上和服的Miki回眸嫣然一笑，迷死人！

Miki早前被拍到帶同狗狗與郭永淳拍拖。

Miki和忍者齊齊擺甫士，似模似樣喎！

準人妻楊愛瑾（Miki）昨日出席商場活動，身穿日本傳統和服的她即席與日本著名藝術表演團體BATI-HOLIC表演太鼓，又和調酒師合力調校清酒Cocktail，她表示非常嚮往日本文化：「不過近年冇去日本。（怕當地有輻射會影響生BB？）因為之前想去嘅北海道都已經去咗。」

易過關唔使「坐監」

Miki表示考慮過穿和服拍結婚相：「去日本想影櫻花，但今年都過咗（開花時間），可能等下年先。」又透露婚禮將於明年舉行，惟仍未決定地點：「未安排好，因為我都想我隻狗可以參與到（婚禮），聽過日本可以易啲過關，唔使『坐監』，歐洲都係。」Miki透露近日開始於金融投資公司上班，問到是否希望將來可幫助未婚夫郭永淳的公司？她說：「冇乜嘢幫，依家多一個話題，以前會聽唔明佢講咩。」

唔知傅穎新戀情

另外，提到前Cookies隊友傅穎（Theresa）被傳與內地富二代結婚，Miki表示不知情：「上年十一月有同佢短訊過。（問佢？）佢如果想公開就會公布，如果想低調，唔應該問佢。」