郭晉安昨日現身電視城拍攝新劇《末代御醫》，他說：「夏天開工熱到企喺度都出汗，7月會返番禺同佛山拍外景。（暑假陪唔到仔女去旅行？）拍十幾日啫，OK嘅！但我未諗去邊度玩！」他又表示現時劇集製作與當初入行時大有不同：「依家故事結構、水平、製作、特技都多元化，先進過以前！故事每個年代都有唔同，睇吓你鍾意邊一種，舊情懷都適合時下觀眾，我入行嗰個年代嘅戲劇效果同元素，當然要轉變，跟時代走！」

郭晉安7月將到番禺及佛山為新劇拍外景。