著名導演杜琪峯前日與太太及一名男友人到中環行街，未幾齊齊到家品部閒逛。杜琪峯兩夫婦先往櫃枱，然後轉至研究電子產品，逛了大約15分鐘，最終齋睇冇幫襯。其後一行人途經時裝店，杜琪峯未有留意站在櫥窗前睇衫的太太，只顧跟友人邊行邊傾，雞啄唔斷，後來杜太發現老公行至商場中間，即急急腳追上前會合。

杜琪峯（右一）偕太太及男友人於中環行街。