任達華孖韓國型男粉絲張赫拍新戲，他倆昨日冒着風雨拍攝一場飛車墮橋戲，可謂患難見真情！華哥年前與韓星金秀賢及全智賢等合拍電影《盜賊門》後，於韓國知名度急升。近日有內地片商投資開拍一套懸疑電影《真相禁區》（暫名）力邀張赫出演，起初他因檔期問題欲辭演，但得知有機會與華哥鬥戲後，立即更改行程！

韓國型男張赫（右）為見偶像任達華，檔期再忙都抽時間接拍新片！

當工作人員以威吔吊高汽車時，童心未泯的華哥及張赫借位以手托起架車！

單手托起成架車

二人近日相繼飛抵台北，會合台灣演員霍建華等進行拍攝。兩大型男昨日原本晨早拍攝一場飛車墮橋戲，最終受天雨影響，順延至下午雨勢減弱才開工。當工作人員以威吔吊高汽車擺位時，童心未泯的華哥及張赫竟以手「托」起汽車拍照，令全場笑爆嘴。

談起這名粉絲拍檔，華哥接受長途電話訪問時說：「佢人好好，雖然大家語言不通，但都好投契！我就爭取機會學韓文，叫佢每日教我講一句，今日佢就教我讚啲女仔靚！（周圍讚人？）係呀！美言唔嫌多嘛！（聽聞佢因為你接套戲喎！）唔好咁講，大家交流吓啫！」