藝人陳自瑤（YoYo）日前化身「星級媽咪」出席天水圍商場母親節活動，提到老公王浩信早前拍攝無綫新劇《EU超時任務》於旺角齋着底褲遊街一事，YoYo笑言事前毫不知情，但很明白老公做演員的專業操守，更大讚他「肥咗又靚咗」：「我覺得雖然係肥，但係開心過食減肥餐，始終有得食，同減肥餐係冇啖好食爭好遠！」

對於王浩信齋着底褲拍劇，陳自瑤大讚老公「肥咗又靚咗」！

當日YoYo面對台下小朋友即時母愛氾濫，玩遊戲時分外投入兼表情多多，提到剛滿三歲的囡囡時，她即讚不停口：「佢好有演藝細胞，好鍾意唱歌跳舞，扮嘢都好叻，有時佢會扮教育電視啲小朋友，老師教佢唱歌唱到扮埋表情，你感覺到佢係偏向嗰邊！（幾時湊個好字？）隨緣啦！」惟她強調與老公不會強迫囡囡每樣都學，認為個人品行更為重要：「愛護別人，有愛心，尊重別人，呢啲嘢係重要過喺知識上學到幾多嘢。」