單身多時的佘詩曼昨晨現身活動，對於「舊愛」鄭嘉穎與師妹陳凱琳戀情萌芽中，屢傳與嘉穎翻撻的她罕有封嘴不欲多談，更叫大家問番當時人！

阿佘被問及「舊愛」鄭嘉穎撻着陳凱琳時即封嘴，酸酸哋呀！

阿佘被問及「舊愛」鄭嘉穎撻着陳凱琳時即封嘴，酸酸哋呀！

陳倩揚認為鄭嘉穎與陳凱琳拍拖係開心事。

彭懷安（左）與狄易達出席活動，搭晒膊幾Friend！

佘詩曼、狄易達和彭懷安等昨日出席《點滴揹水行》活動，阿佘透露當年於內地拍攝劇集時曾揹水半日上落山坡拍攝，期間不慎倒瀉水，有婆婆見狀誤以為他們浪費食水，忍不住哭，及後劇組跟她解釋，並把拍攝用剩的水送贈她。將於本月底完成電影的阿佘，被問到屆時是否有時間拍拖？她笑說：「我依家都冇拍拖，係多咗時間同媽咪去旅行。（師妹陳凱琳承認被鄭嘉穎追求喎！）唔講啦！（佢仲話開始咗！）都係問番佢啦！（等你拍拖呀！）好呀！」

陳倩揚：開心事

而榮升第二任母親的陳倩揚出席另一活動時，對於陳凱琳直認被嘉穎追求，曾與對方合作劇集《四個女仔三個BAR》的倩揚說：「 唔好逼佢哋認啦！係就遲啲大家會知，開心事，郎才女貌，大家夾的話Why Not？ 畀佢哋順其自然啦！」又指母親節獲老公送有機護手套裝作禮物！