趙頌茹（Yu）昨日出席母親節活動，她透露前日與妹妹親自炮製大餐給母親作為禮物：「我嘗試煮好多唔同菜式，有泰式、韓式，味道見仁見智，但我阿媽心目中咩都好食！」她又透露六月底會出書，紀錄與兩個女兒平日相處的點滴。問到有否與分居丈夫周永恒（Roy）講兩個女兒的近況？她說：「其實係咪應該要有人主動關心我先會有呢個回應呢？都交畀社署負責，我覺得如果一個人有心，佢都會表達呢個訴求！」暗指Roy不關心兩個女兒。而Roy看到此番言論後，昨晚於社交網站上寫道：「唔通你想待她們長大後相信你說我一直沒找她們嗎？你唔畀我見，我可以等待。」似轟Yu講大話！

阿Yu似暗指周永恒不關心女兒。

而劉浩龍昨日出席活動時被問到會否向女友容祖兒的母親送上祝福？他說：「都會，母親節都開開心心。（有送禮物？）冇，得番半條人命，最重要都係身體健康！」