王敏德與名模馬詩慧的長女王曼喜,性格自我、勇敢,她去年公開「出櫃」,轟動一時,繼續我行我素的她,表明隨時準備生BB,已有做媽咪的心情,但暫未考慮懷孕方法。

Kayla開設時裝網店,不只為賺錢,更與慈善團體合作,貢獻社會。

有自己事業的Kayla,下一步是組織一個家庭!

Kayla(左)與媽媽馬詩慧同是型人,現身活動定會打扮得靚靚。

Kayla想定幾時生小朋友,看來相當渴望做媽媽。

不時現身時裝活動的Kayla,在時裝界甚有名氣。

Kayla(中)與名模姚書軼(左)和Ana R.示範珠寶,台型十足!

Kayla一家打扮型爆,大受時裝品牌喜愛。

現年22歲的王曼喜(Kayla)在美國攻讀設計,希望學以致用的她,去年辭去寫字樓工作,專心一意做網上時裝生意。其實做生意一直是她的夢想,她說:「喺美國時,大部分同學都想自己開舖做老闆,老師好鼓勵我哋實現夢想,依家好多同學已經擁有自己嘅公司,開展自己嘅生意。(你係最遲一個?)應該係,因為我返咗嚟香港,我覺得之前有工作有經歷,對我未來做生意都係好事,畀人感覺可靠啲,唔想誤會我係玩玩吓。」

唔啱朝九晚五

Kayla的網上時裝生意,主要由她負責設計概念,美國的時裝設計師拍檔則負責草圖,2015春夏系列女裝經已完成,現在與慈善團體作長期合作,不會只往錢看。令設計變得更有意義,是她最想達到的:「希望對社會對世界有啲貢獻,呢個品牌唔止係衫,仲有好多深層次嘅意思,上年年底已經有呢個概念,拖咁慢係想每個步驟都好清楚。」去年她還在地產公司工作,卻毅然辭了寫字樓工實現夢想,全因她受不了朝九晚五的工作,還半開玩笑指有「幽閉恐懼症」,不能被困在一個空間。

未諗過點懷孕

做生意是她人生計劃的一步,談到人生大計,她亦娓娓道來:「我希望25歲前可以成立公司,覺得25歲係人生嘅中間,要有自己嘅事業,有自己嘅事業之後先諗家庭。(想生小朋友?)係,我好鍾意小朋友,最想30歲前生第一個小朋友,其實如果可以,依家都想有自己的小朋友,哈哈。」早前她公開「出櫃」,女同志身份鮮明,問到選擇哪一種方法懷孕?她直言尚未認真想過,但母愛氾濫的她,揚言想倣效媽咪馬詩慧生足三個。對於湊小孩,她不覺得是惱人的事,還開心表示小孩跟自己年紀相若的話,身邊多了一個朋友,人生將會更美滿。

一屋時裝達人

王曼喜熱愛設計,近年將興趣發展為生意,致力做網上時裝。其實王氏一家與時裝結下不解緣,王曼喜媽咪馬詩慧乃名模出身,現雖淡出天橋,但仍不時出席時尚社交活動,早前更獲護膚品牌邀請拍攝短片;而其父親王敏德屬型佬級,打扮入時,近年更推出個人時裝品牌,深受藝人支持。