楊千女華昨日出席頒獎活動,獲獎的她心情大靚,但她透露早前患病而心情欠佳,幸得「廿四孝老公」丁子高百般遷就,冧晒!

穿上長背心外套的千嬅,Smart得嚟又有型!

丁子高(右)前晚和蔡瀚億結伴出席劉浩龍的音樂會。

女星楊千嬅昨日到尖沙咀出席第四屆《薩蘭托國際電影節》,並獲頒「Salento Cinema Actor Award」,是繼影后葉德嫻後奪得該獎的女星。

問到得獎心情如何?千嬅笑說:「唔敢當,有好長嘅進步空間,可以再努力啲。得獎對我嚟講係好大嘅鼓勵,令我知道演藝上有好多可能。」

囝囝送膠珠鏈

問到老公丁子高有否鼓勵她?千嬅即自爆早前與老公雙雙拍拖睇戲,但老公竟「蝦碌」買錯飛,令她忍不住「潤」了對方一句:「嗰晚真係演喜劇!」千嬅又表示早前因氣管敏感而接受了四天的類固醇療程,目前已轉求診中醫,並將在6月中繼續廣州站的演唱會。談到母親節,千嬅說:「聽日仲要做嘢,之後再同囝囝食飯。(囝囝送禮物畀你?)都係學校教佢嘅膠珠鏈。(今晚唔戴出嚟?)唔襯呀!驚你哋笑我憶子成狂!」

未度到期造人

至於丁子高前晚出席活動時,亦有談及太太氣管敏感的情況,問到患病的千嬅有否遷怒於他?丁子高默認說:「我都好就佢,佢係全職湊仔媽咪,朝早送囝囝返學,之後又開工,每日只有3、4個鐘休息。」曾表示今年會再造人的他又說:「佢未畀期我呀!(唔驚佢做高齡產婦?)唔驚,我覺得係天意,順其自然啦!」