今日是母親節，眾星為世上最偉大的母親在《東網巨星》「巨星最愛—母親節篇」獻出最真摯的心聲！女神連詩雅大讚媽咪能人所不能，是Super Woman；黃日華太太梁潔華早前患急性血癌，現已康復，女兒黃芷晴覺得母親是個堅強女強人，會永遠愛她，希望她身體健康！

黃芷晴

連詩雅

貝安琪

黎美言

林德信

黃芷晴

我最愛嘅梗係我媽咪，我媽咪喺我心目中係我嘅巨星，佢係個女強人，無論係工作或者屋企方面，雖然對我有啲嚴厲，同埋有少少長氣，但對我好好。尤其是前兩年佢得到一個病，我哋共渡到難關，媽咪都好堅強，佢依家好番晒啦！我都希望佢身體健康，我會繼續愛佢。

連詩雅

我最愛嘅人係我媽咪，喺我心目中除咗係媽咪，仲係一個Super Woman，佢係一個好成功嘅女強人，佢永遠都會留最好嘅嘢畀我，佢係嗰啲寧願自己唔食都要畀最好嘅嘢我食嗰啲媽咪嚟！我好感恩，好多謝佢咁多年嚟養育我，咁錫我同咁愛我，無論我做咩佢都係好Support，我想同媽咪講媽咪我愛你！

貝安琪：媽咪對我好好！

媽咪一路對我好好，我真係好開心有呢個媽咪！同埋我喺佢身上學到好多電影，所以我做演員好多謝我媽。我細個嗰時，媽咪成日會去拍戲，我會跟住佢，睇住佢演戲，我覺得非常好玩，我第一次拍戲係七歲，喺德國做佢個女，玩得好開心，之後就繼續拍戲。

黎美言（Winkie）：相處似兩姊妹！

媽咪同我年紀比較相近，相處好似兩姊妹咁，偶爾大家脾氣唔好都會嗌吓交，但當我唔開心，媽咪係最陪到我傾訴嘅人，記得喺演唱會台上多謝媽咪，媽咪都畀我感動到喊，閒時同媽咪出街，都會啜佢一下面珠，會同媽咪講I Love You。

林德信：佢最了解我！

我心目中最愛就係我媽咪，多謝佢帶我嚟呢個世界，佢係呢個世界最支持同了解我嘅人，有需要時畀好多鼓勵我，亦會用心聆聽，所以我真係好多謝佢！