周家蔚早前誕下二子洪竟琋（JT），JT趕及「會合」哥哥大仁與媽媽慶祝母親節，還在坐月的家蔚會留在家中與媽媽及奶奶食飯：「攬住佢哋兩個係最大嘅禮物，希望佢哋健康成長。」她讚大仁是好哥哥：「佢好錫細佬，見到BB就好Sweet咁叫細佬，我見到好感動，真係喊咗出嚟，佢又會叫細佬食奶同去睇住BB。」她表示JT好食得，相隔個多小時便喊着要喝母乳。

還在坐月的周家蔚抱住小JT，心都甜埋！

而佘詩曼媽媽Lily昨日出席尼泊爾賑災兒童慈善午宴，一頭白髮的她說：「遺傳我媽媽，阿佘遲吓應該會同我一樣，佢12歲有第1條白髮。」談到母親節，她有孝順女送禮：「上年阿佘送咗層村屋，前年送車。以前湊仔辛苦，依家係收成期！」她會與阿佘及兒子食日本菜慶祝。