正當陳凱琳開腔講「穎琳戀」成焦點，剛宣布約滿離巢的何傲兒則成為慧妍雅集慈善晚會中另一焦點！何傲兒昨日是離開無綫後首度出席出開活動，同場還有梁小冰、陳法蓉及朱玲玲等。一身性感造型亮相的她，甫進場已相當風騷，問到為何會決定離巢？她說：「自己想出去闖吓，但都要多謝舊公司，因為畀咗好多機會我，依家係另一個新開始，暫時由家姐（何傲芝）幫我做住經理人先。」問到可會簽約緋聞男友林建名旗下？何傲兒坦言會優先考慮：「本身同林生有聯絡，可能要再溝通！（多咗好多工作？）可能傾得會快啲！」另外，罕有現身晚宴的小冰指非常欣賞陳凱琳：「我覺得佢好叻，又要拍劇都參加到活動。」

何傲兒約滿後解「峰」，吸睛度爆燈！