上月《好報》率先披露女神陳凱琳與男神鄭嘉穎暗撻後,兩人於異國拍外景朝夕相對,感情一日千里,甜蜜蜜的陳凱琳雖認嘉穎力追中並高呼:「主權喺我度!」但又於活動漏口風自爆「拍拖ing」及Instagram的Status改為「in love」!擺明「神之戀」已經開花結果!

陳凱琳出席晚宴時讚嘉穎人品好,但暫未有時間再單獨約會。

陳凱琳

自上月初《好報》率先踢爆45歲男神小生鄭嘉穎暗撻相差22歲的港姐冠軍兼新一代女神陳凱琳(Grace)後,為保護剛萌芽的愛苗,兩人對戀情保留發展空間,女方更坦言年齡不是問題。據知,兩人最近為「定情劇」《殭》一同飛往荷蘭拍外景接近兩星期,避開外界騷擾下令愛火盡情燃燒,關係突飛猛進!有愛情滋潤的Grace速改Instagram(Ig)的Status為「Placing my life in faith and love(我的生命浸淫於信念與愛之中)」,變相認證「穎琳戀」邁進一大步。

激讚對身邊人好

記者昨日向女主角Grace求證,她終開口承認嘉穎展開追求,並承認雙方都有好感,還揚言對愛情擁有主權,不受任何人干涉:「現階段仲係朋友。(佢依家追緊你?)係!想再認識耐啲,對佢都有好感!(屋企人有咩反應?)冇講咩,但知道有呢單新聞,主權喺我度。(畀嘉穎幾多分?)唔識畀,從來都唔會畀分人。」問到在荷蘭的開心事,她即扯開話題:「好開心識到陳嘉寶同賴慰玲,大家同年紀好啱Key!」

Grace昨晚出席慧妍雅集慈善晚宴時繼續成焦點,問到與嘉穎是否已開始拍拖,春風滿面的她爆響口:「係呀!依家開始,認識當中,喺荷蘭更加了解佢為人,佢對身邊人都好。(對你呢?)好肯教我哋呢班新人,例如陸永同陳嘉寶。」當記者恭喜她時,Grace即轉口風指:「依家開始係指開始做訪問!」

以結婚為大前提

當提到嘉穎揚言兩人如出外行街睇戲,希望外界不要太驚訝,Grace即「夫唱婦隨」:「係囉!大家唔好驚訝。(單獨約你會唔會去?)我哋拍劇都好忙,遲啲又要返加拿大,加上喺荷蘭啱啱返嚟,睇吓有冇時間約出嚟啦!」

至於Dry足四年的男主角嘉穎,對「穎琳戀」亦從未表態否認,一反以往「打死唔認」,又多次揚言恨做老襯,昨日接受電話訪問時終於開腔認「愛」:「的確好投契,好多話題,依家都仲係朋友!我都唔細喇!大家畀啲空間我啦!」擺明認定Grace為終身伴侶,想以結婚為大前提認真開始!對於男神女神衝破年齡差距開花結果,網民紛紛在微博送祝福,更有網民替嘉穎高興:「Grace很靚,要幸福啊!」

第一手消息請下載on.cc東網iPhone/iPad/Android Apps