藝人莊端兒向來鍾情戶外運動，近日愛上刺激度十足的Inline Skating，雖然她謙稱仍屬初學者階段，但眼見她輕而易舉便做出多個高難度動作，足見運動天分甚高。

Xenia謙稱仍是初學者階段，但眼見她不時以交叉步伐高速滑行，相當專業。

自稱是好動兒的Xenia，近日愛上刺激度十足的Inline Skating。

Xenia閒時也會在空地練習，並不時在社交網站分享過程。

Xenia奉勸各位新手玩Inline Skating前要先做熱身。

Xenia輕易做出屈身的動作，天分甚高。

Xenia與男友張致恒志趣相投，同樣熱衷戶外運動。

張詠恩是Inline Skating的高手之一，更大方借出滾軸溜冰鞋給Xenia。

早前簽約諸葛紫岐旗下娛樂公司的藝人莊端兒（Xenia），自稱是個好動兒，尤其鍾情戶外運動，除了大眾常見的跑步、游水及踩單車外，近日她便愛上充滿刺激感的單線滾軸溜冰（Inline Skating），她說：「其實暫時仲係一個初學者，不過由細個開始就有玩開滾軸溜冰（Roller Skating），可惜Roller Skating近年已經Outdated同淡出咗，取而代之最新興嘅就係Inline Skating。不嬲都有留意滾軸溜冰潮流方向，同埋都想追番童年時嘅回憶，但因為Roller Skating好耐都冇人玩，所以最近開始正式接觸Inline Skating。」

跌時保持坐低動作

Xenia雖然謙稱仍是初學者階段，但穿上Bra Top及小熱褲大騷長腿的她，無論在吸睛度和實力上同樣不可小覷，眼見她不時在公園的空地以交叉步伐高速滑行，期間更輕而易舉做出多個高難度動作，包括跳躍、平衡轉彎及屈身等，足見運動天分甚高。問到可有試過在練習過程中受傷？Xenia笑言非常幸運，暫時仍未試過受嚴重的傷，頂多只是輕微擦損，她又向大家分享一些小心得：「託賴自己冇話有好大整親過，因為以前都有玩開識得點去跌，奉勸大家安全至上，如果踩時真係唔好彩跌倒，跌時就盡量保持坐低動作，玩前亦要做定熱身運動。」

最緊要識平衡

問到Inline Skating和Roller Skating之間的分別？Xenia即以專家口脗說：「Inline Skating鞋底係有一排轆，而Roller Skating鞋底就係四個平衡嘅轆，前者比較注重速度，鞋底中間凹位係畀你跳欄杆同做出跳躍動作，而後者就係會比較可以玩多少少花式。（多數會喺邊度玩多？）香港有好幾個公園都有好多Inline Skating迷聚集，包括將軍澳同荔枝角區，不過其實只要係戶外地方都可以玩到。（玩時有咩要特別注意？）其實開頭最緊要係要平衡到，因為鞋身係冇設計到煞掣功能，一開始玩時先用外八字，一步一步咁慢慢行。」

後記：受Steven薰陶與陽光玩遊戲

Xenia透露男友張致恒（Steven）亦非常熱衷Inline Skating，而Steven家姐、前歌手張詠恩（Jan）更是高手之一，故在耳濡目染下深深愛上這項運動：「我哋兩個都好鍾意戶外運動，Steven除咗掟鏢之外，本身都做好多運動，其實佢比我更早接觸呢項運動，因為佢家姐Jan好早就開始玩，而且玩得好叻，我呢對鞋都係Jan借畀我玩嘅。」