陳潔靈讚煇哥金曲 嘉傳戶曉

樂壇教父顧嘉煇榮休前的最後一騷、一連十二場《顧嘉煇榮休盛典演唱會》昨晚正式假紅館開鑼，除了有十多位星級嘉賓助陣外，當然吸引多位圈中人捧場，包括好友方逸華、廖安麗、張德蘭老公及傳出偷食風波的羅鈞滿等，四面台全場爆滿。而煇哥開騷前與新娛國際負責人丘亞葵帶領一眾表演嘉賓進行拜神及切燒豬儀式。

徒弟陪伴進場

開場時，身穿全套禮服的煇哥由徒弟兼音樂總監徐日勤陪同下從台中升降機現身，其後走到台邊梳化坐下睇騷，妻兒亦有到場陪伴左右，煇嫂則坐在方逸華旁邊。徐日勤演奏一段煇哥金曲Medley揭序幕，台上先播放一段煇哥短片講感想：「多謝大家嚟睇我，我入行50年，大家都知我講嘢唔叻、唔識搞氣氛，自己知一上台就會好騰雞，所以今次就想做一件一直唔敢做嘅事，就係做主持。」隨後，由染了一頭藍髮的陳潔靈打頭陣，以《今晚夜》及《夢》炒熱氣氛，兼玩食字用「顧嘉煇」三字讚揚煇哥：「顧盼自豪、嘉（家）傳戶曉、有煇（輝）煌成就！」

自認菊姐粉絲

另一嘉賓仙杜拉出場後，先走到煇哥前輕輕鞠躬，又圍着台邊獻唱《啼笑姻緣》及《風雲》，唱畢後台上又播放煇哥短片：「《風雲》係35年前，估唔到到依家都仲有電影會用。我自己都有出現過喺電影度，就係《天才與白痴》。」接着關菊英獻唱《狂潮》出場，讚煇哥是其偶像，對樂壇有很大貢獻，煇哥則回敬指是菊姐的粉絲。