何佩瑜（Jeana）被今期《好報》拍到狂冧經理人公司的馬來西亞老闆Rex Bong，陪對方於尖沙咀又飲又食又掃貨。她對此回應說：「佢只係馬來西亞嗰邊嘅同事，嚟香港幾日，佢同另一位同事一齊嚟，而當日係約埋香港其他同事食飯。」問到發展機會時，Jeana忍不住讚對方：「佢係好Friendly同得意嘅男仔，同佢講拍完鬼片住酒店畀鬼壓，次次都要女助手陪我瞓，佢聽到就送咗件印咗個佛嘅Tee畀我，又真係幾有效！」但強調雙方只是朋友，自己暫時以事業為先，又笑言不知對方有否拍拖。

何佩瑜指Rex是同事，大讚對方友善。