美國真人騷女星Kim Kardashian的17歲妹妹Kylie Jenner，因突然厚唇屢傳整容，多次否認的她終於承認隆唇！

現年17歲的Kylie近年不時大晒自拍照，由於其唇部突然變得豐厚，因而多次被傳隆唇，不過Kylie例牌否認，更曾感性留言：「呢啲整容傳聞真係傷害咗我嘅感受，仲好侮辱，以防萬一大家忘記，其實我只有16歲。」不過傳聞卻愈傳愈勁，早前更掀起網民啜樽扮Kylie的性感厚唇！

Khloe力撐細妹

Kylie日前正式「打倒昨日的我」，於真人騷《Keeping Up With The Kardashians》宣傳片中被問及整靚唇的方法時，她突然於旁白直認曾隆唇，打入臨時植入物的她感性地說：「呢樣同我安全感有關，而且只係我想做嘅事，我未準備好同傳媒講，所以被追問唔會承認或否認。」其同母異父的姊姊Khloe曾大爆Kylie早於9歲就想隆鼻，但她於節目中力撐愛妹只是活出真我，更溫馨提示Kylie若再不承認隆唇，就會被指是大話精！

盛傳Kendall隆胸

反口認隆唇的Kylie未被讚勇敢，有整容醫生質疑她隆唇時年紀太細應有家長同意，矛頭直指父母Bruce與Kris Jenner！而Kylie的19歲姊姊Kendall日前出席大都會藝術服裝學院年度慈善晚宴（MET Ball）時身穿性感晚裝露波邊，因而惹來隆胸傳聞！