歌手譚嘉荃（Amy）日前到菲律賓帛琉旅行，面對陽光與海灘的她，今次豁出去，着三點式衝出海灘玩水：「用咗兩支太陽油，不過都曬黑咗，但真係好值得，因為真係好靚，海水有唔同顏色嘅藍，其中一個小島仲見到兩條鯊魚，鯊魚都唔食人，不過佢哋游得太快，趕唔切影相。」

譚嘉荃一償心願與海豚暢泳。

譚嘉荃穿三點式享受陽光與海灘！

此外，Amy今次終於可以親親海豚完成心願：「由細到大，同海豚游水都係我心願，帛琉海豚灣係一個特殊景點，係特登喺日本漁民手上救番佢哋而成立，我知道有得可以同海豚游水，所以第一時間報名，佢哋真係好得意！」