歌手潘敬祖休息一年後回歸樂壇，他找來前輩張崇德擔任歌唱老師及音樂監製，兩師徒雖然相距二十年出道，但原來他們都經歷過音樂路上的高山低谷。崇德說：「1998至2001年，我係完全停晒歌手嘅身份，之後再出番嚟自資出碟。期間錢又搵唔到，咪轉做幕後，仲做過旅行社、副導演，我唔介意喎，因為人生經驗唔同咗，識多咗人，又儲到啲資金。」

潘敬祖（左）找張崇德任歌唱老師，重拾音樂理想。

而潘敬祖新歌《初衷》亦唱中了心聲，2013年告別新人身份後，毅然暫別樂壇：「我中途去咗做歷奇教練，一年內考咗十幾個牌。最後記得自己玩音樂嘅初衷，唔甘心放棄理想，叫佢教我唱歌，最後計劃出碟。」