「金牌綠葉」麥長青演過無數角色，雖然過往星路平平，經歷高山低谷，但從沒覺得入錯行。除了得到觀眾肯定，近年還從演戲參透人生，更揚言：「努力係絕對可以改運！」

麥包對加入演藝圈感到無悔，相信努力就可改運。

麥包演的沙僧深入民心，他與祥仔傾過若重演絕冇難度。

演出不少角色的麥包近年發展不錯。

麥包在《水髮胭脂》中與陳豪有不少對手戲，他表示一向有留意粵劇。

麥長青（麥包）自1987年加入無綫電視藝員訓練班後，曾擔任兒童節目主持，其後轉到戲劇組發展，雖然一直擔任綠葉角色，但憑着精湛演技，終於在2010年奪得無綫頒獎禮「最佳男配角」。談到演藝生涯裏飾演過不同角色，早前剛播完的《水髮胭脂》收視非常理想，而劇中跟蓋鳴暉有不少對手戲，他坦言敬佩她為粵劇所付出的汗水，而且一向有留意粵劇，所以有機會都想向難度挑戰。

最想演警察

問到現階段最想演甚麼角色，麥包笑言最想演警察：「咁多年都未演過，其實我當年暑假遞咗兩張Form，一張係投考警察，一張係考TVB，好想實現做警察嘅夢想。（有冇後悔？）冇，同埋都冇得後悔，就算重新嚟過都會揀番呢條路，因為學到同見到嘅嘢多好多！」

再做沙僧冇難度

麥包直言演戲生涯豐富了人生經驗，俗語有話風水輪流轉，雖然比同期演員較遲彈起，但他靠能力一步一步向上爬，最終得到應得的肯定，他說：「覺得喺呢個圈嚟講，近幾年都算係叫有比較好嘅發展，唔好睇啲人表面風光，努力係絕對可以改運！」提到他最為人熟悉的角色，一定是飾演《西遊記》的沙僧，若果要重演這套劇，麥包坦言冇難度：「其實以前同祥仔（黎耀祥）都有傾過，過咗咁耐多咗好多人生閱歷，自己做戲曾經好緊張，但依家好Enjoy演戲。」