性感女星黃榕（Gloria）為更添女人味，挑戰高難度的鋼管舞做「柱女」！她坦言鋼管舞考驗恒心，不停練習務求成功做到新學的動作，帶來前所未有的滿足感！

Gloria挑戰鋼管舞，認為這是鍛煉恒心的妙法。

以三點式上陣的Gloria表演高難度動作，令人拍晒手掌。

學習跳鋼管舞一年多，Gloria坦言初接觸時心驚膽戰：「初頭驚有危險，始終要喺半空做動作，驚會跌倒！」一直熱愛跳舞的她怕跳鋼管舞會跌傷：「好驚整親腳、頸，搞到冇得繼續跳舞。」

練高空動作受傷

向來以性感見稱的Gloria想挑戰性感極限，鋼管舞就是她的首選：「有學開Hip Hop、Jazz，覺得鋼管舞好有挑戰性，每學完一個動作就想挑戰下一個更加難嘅動作，一挑戰到真係好有成功感！而且好靚、優美又性感，更可以練到腹肌，因為好多動作都要靠條腰去支撐，練到馬甲線。」她又分享受傷經歷：「上次係我過分自信，練習做高空動作時跌咗落嚟，手甲反咗，其餘時間都冇受過傷，做足安全措施！」

鍛煉恒心妙法

跳鋼管舞亦是鍛煉恒心的妙法，某些動作少點恒心都做不到，Gloria說：「依家仲有好多動作練極都做唔到，一嚟要夾住條柱轉，自己怕痛，就係忍唔到嗰下痛楚就放咗手，惟有不停練習，用跳舞嚟抒壓都好有用！」謙虛的她自言仍未學有所成：「去登台都有人要求過跳鋼管舞，但我暫時未有信心做公開表演，到我嘅表現好穩定就會嘗試！」看來大家可以期待Gloria的性感大突破！