無綫藝人黃穎君（Burmie）將下嫁曾在無綫節目中合作的導演丘一峯（Nick），兩人早前更特別搜尋靚景，拍攝極具特色的結婚照，跟大家分享他們的愛情故事！

Burmie希望透過不同的拍攝主題，與大家分享她的愛情觀。

Burmie與Nick一對佳人，在亂世中上演驚天動地的愛情故事。

執子之手，與子皆老，被Nick拖着的Burmie從心發出幸福的笑容。

無綫藝人Burmie本月嫁人，未婚夫是她在無綫節目合作過的導演丘一峯，兩人早前更特別搜尋靚景，拍攝了一輯風格別樹一幟的結婚照，Burmie說：「因為阿Nick平時工作都去好多地方，我哋想輯結婚相特別啲，所以去咗好多拍劇、拍節目去過嘅地方取景。」

與眾分享愛情觀

有不少幕前經驗的Burmie表示，一向做幕後的Nick影人影得多，卻不習慣被人影：「佢唔只怕醜，仲要我帶住佢，教佢放鬆心情！」結婚一生一次，他們為是次拍攝訂立主題，以照片說故事：「『花花』係初戀嘅感覺，藍色嗰輯係『廢墟中的浪漫』，我哋相信每對情侶都會經歷低潮或者爭執，但即使兩個人面對低潮，但故事係未完嘅，咁應該點走落去呢？希望大家可以三思。」

情人眼裏出西施

提到未來老公，Burmie怕醜地說：「其實我同佢識咗好耐，但直至合作《寵物Wakaka》至深入了解，我都知佢身為導演，見慣呢行啲靚人，雖然我都選過港姐（2012年）。（懷疑佢追過其他港姐？）都有問過佢，佢話佢冇，我都有問佢點解對我產生興趣，佢話覺得我特別喎！」