柯嘉琪向Do姐成功路進發

曾贏得中國小姐香港區亞軍的藝人柯嘉琪（Kiko）正在浸會大學傳理系修讀碩士課程，外表省鏡的她志向甚大，不甘做花瓶故不斷進修：「想裝備好啲做個全能、高質素嘅女仔，之前學士係修音樂，依家進修一啲對事業有幫助嘅科目。」同時兼顧演藝事業及學業，問到會否覺辛苦？她說：「唔覺特別辛苦，因為做嘢開心，讀書都係揀有興趣嘅。」Kiko視前輩鄭裕玲（Do姐）為奮鬥目標，希望成為出色主持，又自覺爽朗性格與對方相似。