粵劇名伶蓋鳴暉忙畢劇集宣傳後，近日趁天后誕到長洲表演神功戲，她化身「導遊」帶記者遊後台，並展示逾百雙用以襯戲服的鞋，更大爆傳統粵劇的「女人禁忌」！

即使要在高溫下穿長袖戲服演出，但熱愛粵劇的蓋鳴暉依然樂在其中！

蓋鳴暉展示過百對鞋，但原來連收藏嘅十分一都唔到！

蓋鳴暉表演順利與否，全由幕後一班樂師掌控。

蓋鳴暉與陳豪參演的無綫劇《水髮胭脂》上月播畢，大結局更錄得最高收視26點，成績不俗。鑑於一年一度的天后誕將至，近日忙做神功戲的她，早前更特地前往長洲，在炎炎夏日下演出，她沒有呻苦，反而十分享受！她又化身「導遊」，帶記者參觀神功戲的後台，更大爆傳統粵劇的「女人禁忌」，她說：「有啲箱特別貼住張紙，指明唔准女人坐，同埋凡係女人嘅私人物件，都唔可以放喺呢個箱嘅周圍。」

僅佔收藏十分一

走進蓋鳴暉的私人化妝間，記者發現大箱中存放了逾百雙鞋，向來做事一絲不苟的她表示，這些鞋不足其收藏的十分一！問到為何帶過百雙鞋出騷？她說：「有時做折子戲有幾個古仔就要換好多衫，唔同衫又要配唔同嘅鞋，我最驚係配襯唔到，所以寧願帶多啲鞋，咁就乜嘢顏色都襯到啦！」

現場表現靠「關係」

與一眾粵劇樂師老友鬼鬼的蓋鳴暉表示，對樂師們必須抱以萬分「尊敬」，她搞笑說：「因為我哋係唱現場，如果啲樂師要整蠱你，佢哋彈得快啲或慢啲就好大件事，所以成日都要同班樂師打交道，我要氹佢哋開心。」