後日便是母親節，為獻給偉大的母親，《東網巨星》特意炮製「巨星最愛－母親節篇」，由藝人親訴對母親最真最誠的心聲。已為媽咪級的趙頌茹（阿Yu）趁機答謝母親對她的養育之恩；「巨聲幫」羅孝勇讚揚媽咪是其頭號偶像；導演陳果則道出母親影響了其執導生涯，字字有淚！

趙頌茹

羅孝勇

導演陳果

AGA

趙頌茹

我心目中嘅最愛就係我媽咪，我要多謝佢三十幾年嘅養育之恩，好有印象喺我好細個時慶祝生日，請咗一大班朋友仔嚟開Party，我媽咪竟然將為我預備嘅生日蛋糕跌咗落地，所以我成日會用嚟取笑我媽咪，將來我再慶祝生日，記住唔好再將生日蛋糕跌落地。

羅孝勇

我最愛係我媽咪！由細到大都非常之照顧我，讀書時有咩困難都帶我去一啲補習老師度，或者音樂方面畀好多靈感我。到我做歌手之後，佢成日都會Check住Video同新歌，佢係我No.1粉絲，我都係佢No.1粉絲。

導演陳果

最愛嘅人梗係媽咪啦！佢咁辛苦！我哋中國人平時含蓄啲，好少講啲情情塔塔嘅嘢，對住女友會講，對住媽咪就好少講，借呢個機會就啱喇！媽咪，我愛你！（同媽咪有咩難忘經歷？）我細個時佢成日打我，因為我細個太百厭啫！最難得係我做電影咁多年，屋企人都好支持我，我冇因為要顧屋企而疏忽咗做嘢！當年我點解拍《榴槤飄飄》呢？都係因為媽咪成日逼我食榴槤，令我覺得榴槤真係好嘢！所以拍咗呢套戲出嚟，講你都唔信！

AGA

巨星最愛！我嘅最愛係媽媽，因為佢無條件咁對我付出，由入行到依家都畀咗好多支持同鼓勵我，所以我最愛係佢！