無綫重播經典劇《大時代》成為全城熱話，人物角色紛紛成為熱門話題。當年有份主演的演員再度備受關注，其中陶大宇、邵仲衡及楊羚昨日紛紛出席活動，曝光率大增。

陶大宇為宣傳節目《我愛煮食男》親自下廚。

邵仲衡和楊羚均有欣賞經典劇《大時代》。

陶大宇以主持身份錄影有線節目《我愛煮食男》，對於有傳主演的《大時代》開拍電影版，他說：「我唔介意o架！電影尺度下劇情可以更加盡啲、更震撼，我演得再奸、再衰啲。」對於外界拿經典劇與新劇比較，他說：「依家時代唔同，人才係有，但可能依家啲劇有啲慳皮，一個小生、花旦做晒，冇以前咁多卡士，不過拎嚟比較唔公平，其實仲有好多好成功嘅劇。」同場的鮑起靜表示曾與陶大宇合作劇集《縱橫四海》，問到會否希望在亞視重播？她說：「唔知係咪賣咗？（怕播唔晒？）係囉！」

邵仲衡自爆情史

另一邊廂，藝人邵仲衡和楊羚昨日接受nowTV節目《娛樂審死官》訪問，邵仲衡自爆曾與邱淑貞和劉美娟拍拖。談到與李麗珍拍三級片，他說：「片商明明話係文戲，拍攝時入房，李麗珍已冇着衫。」問到會否與傳不和的劉青雲合作？他說：「好難講，但想同未合作過嘅人合作。（傳爭女朋友？）其實我之後同佢太太郭藹明合作過做夫妻，劇中有攬同錫，但鏡頭後我哋可以話零溝通，怕畀人講。」他又指近年少看劇，重播《大時代》是明智之舉。而楊羚透露有欣賞《大》劇重播，又指當日離開無綫與高層談續約，最後決定離開後，高層連眼尾都沒有望過她。而無綫劇《武則天》前日收視平均26點、最高27點。

另外，藍潔瑛接受梁榮忠專訪的預告片在nowTV節目中播出，藍潔瑛表示對拍《大時代》的情況有印象，特別是着校服的一幕：「以為好易做，睇番原來唔掂，覺得輕視咗，過唔到自己嗰關。」故最後叫監製韋家輝讓她補拍。談到近況，她坦言正領綜援：「有個講國語嘅，佢每個月借錢畀我。」