最近正式成為歌手的「才華型」男神吳業坤，平時除彈得一手好結他外，原來賣萌扮Cute都一樣得！吳業坤自言沒有偶像包袱：「我不嬲都唔係靚仔嗰Type，所以平時唔使下下自拍都Chok晒樣咁！」

扮Cute對冇偶像包袱嘅吳業坤嚟講，絕對係駕輕就熟啦！

瞇眼甜笑嘅吳業坤，果然係笑得Charm喎！

戴眼鏡的吳業坤瞇眼甜笑，更舉V大晒可愛一面，佢嘅自然一面得到唔少粉絲力撐！對此他直言未有自拍習慣：「我不嬲都唔做呢啲嘢嘅，除非同朋友一齊嗰陣，就可能會自拍，影吓合照囉，不過就唔會無啦啦拎住部手機影自己！」問到其招牌動作是甚麼，他搖頭表示沒有，笑言只會為身旁好友加鹿角：「我冇咩招牌動作，但我就好衰嘅，成日都會幫我隔籬嗰個人加啲『角』咁囉！」