鄭嘉穎與前港姐冠軍陳凱琳這對緋聞情人昨日隨劇組從荷蘭返港，惟異地的快樂時光轉眼即逝，回港後他們前後腳出閘之餘，滿面倦容的嘉穎對記者提問一言不發，陳凱琳更成功逃脫回家。

嘉穎出閘時一言不發，未知是否拍劇太攰呢？

謝安琪返港時獲粉絲接機，笑得開心。

謝安琪與嘉穎在荷蘭美景下談情，夠浪漫！

賴慰玲（左起）、Grace和陳嘉寶拍劇之餘，偷閒歎下午茶。

鄭嘉穎與前港姐冠軍陳凱琳（Grace）早前被指因拍攝無綫新劇《殭》撻着，女方更曾被《好報》拍得上嘉穎家借DVD短聚，惟他們只暗示「不無發展空間」，在傳媒面前顯得避忌。不過他們於上月中終有機會暫避香港傳媒的耳目，隨《殭》劇組到荷蘭拍攝外景逾兩星期，雖然同場甚少，但反而更令兩人珍惜短聚的美好時光。

陳嘉寶爆黐到實

劇組昨日由荷蘭返港，只見嘉穎出閘時一臉倦容，見到記者更加快腳步，落閘一言不發，全程毫無笑容，跟他一起出閘的卻是同劇的陸永，而Grace則成功避開記者追問閃回家，記者之後透過電話問到是否怕與嘉穎同場？她說：「各人都有各自嘅方法返屋企嘛！（同嘉穎喺荷蘭朝夕相對？）唔係呀，喺荷蘭拍攝分開咗兩個Team，我主要係同陳嘉寶嗰邊一齊拍。（咁咪好少見囉？）有幾場同場囉，同埋收工返到酒店都會一齊食飯。」而好姊妹陳嘉寶亦為Grace護駕：「我覺得Grace係愛我，因為佢無論開工同休息嘅時候都黐住我，就連返到酒店都成日嚟我房傾偈。」

謝安琪獲粉絲接機

而劇中女主角謝安琪亦於昨日返港，出閘時更有粉絲送上特飲接機，冧得她開懷大笑。其實今次劇組於荷蘭取景時間倉促，不過監製陳維冠都盡力將荷蘭的風車靚景，以及宏偉建築物盡收片內，更引起當地傳媒興趣，獲邀採訪！