歌手周柏豪昨日舉行新碟簽唱會，吸引近三百名粉絲到場，連鍾鎮濤的大女兒鍾嘉晴亦有現身支持。柏豪與粉絲玩遊戲時，看到粉絲不斷吻印有其頭像的面具，忍不住大呼尷尬：「香港贏晒啦！咁多個唇印！我尋日喺順德做完嘢，車窗上面都係得9個唇印，有啲我仲懷疑係男人！（有同性市場？）希望個市場再闊啲！」問到有否遇過更瘋狂的粉絲？他說：「有收到裸露嘅相，男嘅，或者有啲好私人嘅問題問我，有時收到都驚一驚，即刻Delete！」而工作排得密密麻麻的他又透露會提前慶祝母親節，笑言父母一個月去一次旅行，比他更忙：「不過知佢哋開心，我就開心，工作幾辛苦都值得！」

周柏豪與戴上其頭像面具的粉絲合照，與粉絲近距離接觸。

柏豪與粉絲大玩遊戲，更送上愛的抱抱。